Mama aua Mwanaye kwa Kipigo, Kisa Kakomba Mboga

Na Asha Shaban,Musoma.

Mtoto  wa miaka mitatu amefariki dunia kwa kupigwa na mama yake mzazi kwa tuhuma ya kula mboga  mkoani Mara katika mtaa wa Songa mbele kata ya Rwamlimi katika Manispaa ya Musoma.

Tukio hilo lilitokea june 29 mwaka huu nyumbani kwa marehemu katika kata ya Rwamilimi majira ya saa mbili za usiku.

 Hellena Magwita ni mama mzazi wa mtoto huyo  inadaiwa mama huyo alimwadhibu mtoto wake kwa kosa  la kula mboga aina ya furu,baada ya kipigo hicho mtoto alilia hadi akapoteza fahamu na mwishowe kupoteza maisha.

Naye mwenyekiti wa serikali ya mtaa huo wa Songambele Bwana Frasinsico Owoko  amekiri kutokea kwa tukio hilo katika mtaa wake huo nanakusema mtoto huyo alifariki dunia kutokana na kupigwa na mama yake  kwa kosa  la kula mboga  nakupelekea kupoteza maisha.

Mwenyekiti alisema kuwa ni vyema wazazi wakawa makini huku akiaasa jamii kutoa taarifa mapema wanapokuwa wanaona matukio kama haya huku akisema kuwa asili ya mkoa wa Mara wamekuwa wakitumia hasira zao kutenda matukio kama hayo nakushindwa  kujizuia.

 "Wanatakiwa kutambua kuwa mkoa wetu wa mara nikati ya mkoa ambao umekuwa na watu ambao wanahasira lakini wanashindwa kujuzia hivyo kupelekea matatizo kujitokeza katika jamii zetu." alisema Owoko

Aidha mmoja wa wanandugu hao ambae hakutaka jina lake litajwe amesema kuwa hakubaliani nakifo cha mtoto huyo eti kafariki kwa mchango kwani ukweli unafichwa ndani yake hivyo wataendelea kuchunguza ilikufahamu ukweli wa kifo cha mtoto huyo.

 Kamanda wa polisi  mkoani Mara Jafari Mohamed alisema mtuhumiwa huyo ameshiliwa na jeshi la polisi kwa uchunguzi zaidi  na baada ya uchunguzi kukamilika mtuhumiwa huyo atafikishwa mahakamani kwa hatua zaidi.

Andika maoni yako hapa (MATUSI HAPANA)



 
© Copyright EDDY BLOG | Habari Mwanzo Mwisho | Designed By www.peruzibongo.com