AUDIO: Aibu, Anaswa nyumbani kwa Mtu akiwa Utupu Makete

Katika hali isiyokuwa ya kawaida wananchi wa kijiji cha Ujuni kata ya Kitulo wilayani Makete mwishoni mwa wiki walipigwa na butwaa baada ya mwananchi aliyejulikana kwa jina la Waziri Anyingisye (38) kukutwa akiwa utupu nyumbani kwa mtu asubuhi ya Juni 11 mwaka huu

Baadhi ya wananchi wamelihusisha tukio hilo na imani za kishirikina kwa kuwa si la kawaida, ambapo alikutwa nyumbani kwa Christon Mbilinyi (24) ambaye ni katekista majira saa 10 alfajiri mtaa wa Ikiligano kijiji cha Ujuni kata ya Kitulo Tarafa ya Matamba wilayani Makete

Akizungumza nasi kwa njia ya simu Afisa Mtendaji wa Kata hiyo Bw. Christopher Fungo amekiri kutokea kwa tukio hilo na kusema kwamba mabli na yote yaliyotokea walihakikisha mtuhumiwa huyo hakudhuriwa na umati wa watu waliofika eneo la tukio kushuhudia

Naye diwani wa kata ya Kitulo kilipo kijiji hicho Mh. Asifiwe Mahenge amesema baada kutokea kwa tukio hilo alitoa taarifa kwa jeshi la polisi wilaya ya Makete ambao walifika eneo la tukio na kumchukua mtuhumiwa huyo kwa mahojiano zaidi

Kwa upande wa jeshi la polisi ambao walifika eneo la tukio wamesema baada ya mahojiano na mtuhumiwa huyo katika kituo cha polisi hakuna ushahidi wowote ambao mpaka sasa umeonesha mtuhumiwa huyo ni mchawi kama inavyodaiwa na baadhi ya watu kwa kuwa hakukutwa na shanga au matunguli kama ilivyozoeleka

Aidha jeshi hilo mpaka sasa linamshikilia mtuhumiwa huyo kwa usalama wake ambapo pia limedai kumkuta mtuhumiwa huyo akiwa amevaa tisheti ya rangi ya bluu na nyeupe huku chini akiwa mtupu

Sikiliza sauti za tukio hilo kwa kubonyeza play hapo chini>>>>>>>


JIUNGE NA eddy blog SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Eddy Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi



 
© Copyright EDDY BLOG | Edwinmoshi Official Blog | Designed By www.peruzibongo.com