Muswada mwingine aliousaini Rais Dkt Shein hii Leo

Rais wa Zanzibar na Mwenyekiti wa baraza la Mapinduzi Dkt. Ali Mohamed Shein amesaini rasmi muswada wa moja ya kipengele cha katiba ya Zanzibar baada ya kufanyiwa marekibisho na baraza la wawakilishi katika kikao kilichopita.

Uthibitisho huo ameutoa Ikulu hapa Zanzibar wakati akiongea na waandishi wa habari wakati wa mazungumzo yake kuhusu muswada wa mafuta ambapo amesema ameuridhia muswada huo kwa vile kipengele hicho kinachohusu uteuzi wa nafasi mbili za wawakilishi za upinzani zisingeweza kwa rais kuteua kutokana na sheria hiyo ambapo nafasi hizo zilikuwa zikiteuliwa kwa kushirikiana na kiongozi wa upinzani lakini hakijaeleza endapo hakuna upinzani ndani ya baraza rais atateua vipi ilihitaji marekebisho.

Na katika hatua nyengine vyama viwili vikubwa vya siasa Zanzibar chama tawala CCM na chama kikuu cha upinzani CUF vimetoa maoni yao kuhusu muswada wa mafuta ulisainiwa na kuwa sheria na rais wa Zanzibar Ikulu juzi ambapo wakati CCM kupitia kwa naibu katibu mkuu wa CCM Zanzibar Vuai Ali Vuai imempongeza Dkt. Shein kwa vile ametekeleza ilani ya uchaguzi ya CCM na ahadi aliyoitoa wakati wa kampeni, kwa CUF katibu mkuu wa chama hicho Maalim Seif Sharrif Hamad ameuita muswada huo ni batili kwa vile hata hautaji mipaka ya Zanzibar na kinyume na katiba ya Jamhuri ya Muungano na hakuna sheria ikapitishwa ikawa juu ya katiba ambapo bunge lilipaswa kubadilisha kipengele cha katiba kuhusu suala la mafuta kutokuwa la muungano. 

Miswada hiyo miwili yote ilijadilaiwa ndani ya baraza la wawakilishi katika kikao kilichopita na miswada hiyo ilijadiliwa na kuchangiwa na wajumbe wote wa baraza hilo ambapo wote walitoka katika chama cha Mapinduzi na wajumbe watatu kutoka chama cha ADA-TADEA, AFP na ADC.


JIUNGE NA eddy blog SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Eddy Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi



 
© Copyright EDDY BLOG | Edwinmoshi Official Blog | Designed By www.peruzibongo.com