Serikali yatoa ufafanuzi kung'olewa Kibao cha mtaa wa Victor Wanyama

Baada ya taarifa za mchezaji wa Tottenham, Vicent Wanyama kupokwa mtaa uliopewa jina lake hatimae Mwenyekiti wa Serikali ya mtaa wa Ubungo NHC, Amani Sizya amefunguka sababu za kufutwa kwa mtaa huo.

Akifunguka sababu za kufutwa kwa mtaa huo Bw. Sizya amesema ni kutokana na kutofuata taratibu wakati wa kutangazwa kwa mtaa huo.
Kila jambo linautaratibu wake hata ukitaka kubadilisha jina la barabara lazima ufuate utaratibu kwahiyo hakukuwa na utaratibu uliofuatwa unajua ilikuwa haraka sana, lakini niseme tuu kwamba hili litafanikiwa na mtaa huo utatumika kwa jina hilo wakifuata taratibu,“amesema Sizya.
Victor Wanyama wiki iliyopita alipewa mtaa ujulikanao kama Viwandani eneo la Ubungo jijini Dar es Salaam ili rasmi uanze kutambulika kwa jina lake lakini jana Serikali ya mtaa huo iling’oa kibao cha maelekezo na kufuta mtaa huo.
By Godfrey Mgallah


Maandamano ya Kumpongeza Rais Magufuli yazuiliwa na Polisi


Mbunge wa Geita Vijijini Joseph Msukuma, amevitaka vyombo vya ulinzi na usalama kuacha tabia ya kuwazuia wananchi wanaounga mkono juhudi za Rais John Pombe Magufuli za kupambana na wezi wa raslimali za taifa ikiwemo madini.

Msukuma aliyasema hayo baada ya polisi katika wilaya ya kipolisi Msalala, kuzuia maandamano ya amani na mkutano wa hadhara yaliyoandaliwa na mbunge wa Msalala mkoani Shinyanga, juzi jumamosi katika eneo la Kakola.

Hata hivyo polisi walitoa idhini ya mkutano wa hadhara kufanyika katika uwanja wa Bugarama badala ya Kakola kwa madai kwamba walipata taarifa za uvunjifu wa amani katika eneo la Kakola.

Naye mbunge wa Msalala Ezekiel Maige alisema bado ataandaa mkutano mwingine utakaofanyika Kakola ili kutoa fursa ya wananchi wengi kujitokeza kutoa pongezi kwa Rais Magufuli pamoja na kero zao baada ya wengi wao kushindwa kufika katika mkutano wa jana kutokana na umbali wa kwenda Bugarama.

Alisema halmashauri ya Msalala inaidai migodi ya Buzwagi na Bulyanhulu takribani shilingi tilioni mbili ambazo atahakikisha zinalipwa ili kusaidia maendeleo ya jimbo lake ikiwemo ujenzi wa barabara ya lami ya Kahama-Geita.

Katika mkutano huo, bado kilio cha wakazi wa Kakola kilikuwa ni kuutaka mgoni wa Bulyanhulu kuwalipa fidia zao za ardhi na zile za baadhi ya wafanyakazi kuumia na kuachishwa kazi huku baadhi yao wakikumbushia machungu ya ndugu zao kufukiwa mashimoni wakati wakihamishwa ili kupisha shughuli za mgodi ambapo nao wanashinikiza kulipwa fidia.


Waziri Mkuu atembelea Nyumbani kwa Marehemu Ndesamburo

Waziri Mkuu Kassim Majaliwa akisaini kitabu cha maombolezo, nyumbani kwa marehemu Dk. Philemon Ndesamburo, eneo la Kiboriloni, Moshi, mkoani Kilimanjaro tarehe 26 Juni, 2017. (Picha na Ofisi ya Waziri Mkuu)
Waziri Mkuu Kassim Majaliwa akitoa pole na neno la faraja kwa wanafamilia, nyumbani kwa marehemu Dk. Philemon Ndesamburo, eneo la Kiboriloni, Moshi, mkoani Kilimanjaro tarehe 26 Juni, 2017. (Picha na Ofisi ya Waziri Mkuu)
Waziri Mkuu Kassim Majaliwa akimpa pole mjane wa marehemu, mama Ndehorio P. Ndesamburo alipofika nyumbani kwao eneo la Kiboriloni, Moshi, mkoani Kilimanjaro kuwafariji kutokana na msiba wa Dk. Philemon Ndesamburo, leo tarehe 26 Juni, 2017. 
Kaka wa marerehemu Dk. Philemon Ndesamburo, Bw. Zablon Sindato Kihwelu akimshukuru Waziri Mkuu Kassim Majaliwa aliyefika nyumbani kwao eneo la Kiboriloni, Moshi, mkoani Kilimanjaro kuwafariji kutokana na msiba wa Dk. Philemon Ndesamburo, leo tarehe 26 Juni, 2017.
Waziri Mkuu Kassim Majaliwa, Mkuu wa Mkoa wa Kilimanjaro, Bibi Anna Mgwira (wa tatu kushoto), mjane wa marehemu na Kaka wa marehemu wakiomba dua na wanafamilia kwenye kaburi la Dk. Philemon Ndesamburo, aliyezikwa nyumbani kwake eneo la Kiboriloni, Moshi, mkoani Kilimanjaro. Wa kwanza kulia ni mtoto wa marehemu.


Angalia Jinsi Mawaziri walivyoitwa IKULU Leo na Rais Magufuli

Picha mbalimbali zikimuonesha Rais wa Jamhuri ya Muungano wa Tanzania Dkt. John Pombe Magufuli akiongoza kikao cha Baraza la Mawaziri leo tarehe 26/06/2017 Ikulu jijini Dar es Salaam. PICHA NA IKULU



CHADEMA wameeleza kuhusu Lowassa kuitwa kwenye mahojiano Polisi

Mjumbe wa Kamati Kuu ya Chama cha Demokrasia na Maendeleo (CHADEMA) na Waziri Mkuu Mstaafu,  Edward Lowassa amepata wito kutoka kwa Mkurugenzi wa Makosa ya Jinai (DCI) kumtaka kufika Makao Makuu ya Jeshi la Polisi kesho Jumanne, saa 4 asubuhi kwa ajili ya mahojiano. 
Taarifa iliyotolewa na CHADEMA imesema kuwa  hajapewa maelezo wala ufafanuzi wowote kuwa mahojiano hayo yatahusu nini hasa.
CHADEMA wameeleza kuwa taarifa za awali zinaonesha kuwa mahojiano hayo yanahusishwa na kauli za Lowassa alizotoa katika nyakati tofauti hivi karibuni wakati akishiriki futari katika Mwezi Mtukufu wa Ramadhan.
Kwenye vyombo vya habari leo Lowassa ameripotiwa akimtaka Rais Magufuli kuwaachia huru mashehe wa uamsho ambao inadaiwa wanashikiliwa kwa miaka minne sasa.


Lowassa Kuhojiwa na Polisi Kesho, Atumiwa Ujumbe na DCI


Waziri Mkuu wa zamani, Edward Lowassa ameitwa na Ofisi ya Mkurugenzi wa Makosa ya Jinai (DCI), Kamishna Robert Boaz.

Lowassa akizungumza na gazeti la Mwananchi leo (Jumatatu), amesema ameitwa kwa DCI lakini hajui anachoitiwa.

Hata hivyo, amesema anahisi ni kauli yake kuhusu mashehe wa kikundi cha Uamsho cha Zanzibar wanaoshtakiwa kwa tuhuma ya ugaidi.

 “Ni kweli nimetakiwa niripoti kesho saa 4:00 asubuhi katika ofisi ya DCI. Sijui wananiitia nini, lakini nahisi ni kuhusu nilichosema kuhusu mashehe wa Uamsho,” amesema Lowassa.

Jana katika taarifa kwa vyombo vya habari, Lowassa alikaririwa akimtaka Rais John Magufuli kuwaachia huru mashehe hao wanaoshikiliwa kwa zaidi ya miaka minne sasa.

Taarifa hiyo ilisema Lowassa alitoa ombi hilo alipozungumza katika futari iliyoandaliwa na mbunge wa Ukonga (Chadema), Mwita Waitara.


Ukisafirisha chakula nje ya Nchi bila Kibali Utakiona - Waziri Mkuu

Waziri Mkuu, Kassim Majaliwa amepiga marufuku usafirishaji wa chakula nje ya nchi bila kibali na kuwataka wafanyabiashara kuuza chakula kwenye maeneo yenye uhaba nchini.

Majaliwa ametoa agizo hilo leo, Jumatatu wakati akihutubia Baraza la Eid katika Msikiti wa Masjid Riadha mjini Moshi mkoani Kilimanjaro.

Waziri Mkuu huyo amesema kuwa kuna maeneo ambayo wananchi hawakupata chakula vizuri kutokana na uhaba wa mvua hivyo wafanyabiashara wapeleke chakula kwenye maeneo hayo.

“Serikali bado haijatoa kibali cha kutoa chakula nje ya nchi, kama unaona kuna umuhimu kaombe kibali, lakini utapewa kibali cha kusaga upeleke unga na siyo mahindi,”amesisitiza  Majaliwa.

Majaliwa ameonya kuwa kwa wale watakao kamatwa wakisafirisha mahindi nje ya nchi kinyume na utaratibu, mahindi hayo yatataifishwa na kupelekwa kwenye ghala la Taifa na magari yatapelekwa polisi.

Amesema kuwa Serikali imepokea barua za maombi ya kupeleka chakula nchi jirani, lakini bado haijatoa ruhusa.


Ebitoke: Nimemuahidi Ben Pol Kumpa Kitu Chochote Anachokitaka (Picha + Video)


Siku chache baada ya Ben Pol na mchekeshaji anayekuja kwa kasi Bongo, Ebitoke ku-make headlines baada ya kukutana na kupiga picha zinazowaonesha wakiwa kimahaba, ikiwa ni baada ya mwanadada huyo kulalama kwa siku nyingi kwamba anampenda msanii huyo wa Bongo Fleva, Global  TV Online imemtafuta Ebitoke na kufanya naye mahojiano.


Katika mahojiano hayo, Ebitoke alisema kwamba watu wengi wanadhani kwamba ni kiki lakini kiukweli amefurahi sana kukutana na Ben Pol na kupiga naye picha pamoja na kupata nafasi ya kumueleza hisia zake live.


Ebitoke amesema hawezi kueleza nini kitafuatia kati yake na Ben Pol lakini amewataka mashabiki wake wakae mkao wa kula kwa sababu ni kweli anampenda kwa dhati na yuko tayari kumpa chochote.


Jamaa abebeshwa Maiti ya Mwanaye Makambako Njombe


NJOMBE.
Mtu mmoja ambaye amefahamika kwa jina la FRANSI NYIMBO mwenye umri wa miaka 32 Mkazi wa mtaa wa mshikamo kata ya kipagamo katika halmashauri ya mji wa makambako amepewa adhabu ya kubeba mwili wa marehemu  CHRISTINA NYIMBO ambaye ni mwanae mwenye miezi tisa toka nyumbani hadi eneo la mazishi kwa kosa la kutoshiriki  shughuli za kijamii.

Akizungumza  mwenyekiti wa serikali ya mtaa wa mshikamano CHARLESI KIWALE amethibitisha kutolewa kwa adhabu hiyo ambapo ameeleza kuwa ndugu FRANSI NYIMBO amekuwa na kawaida ya kutoshirika shughuliza kijamii hususani kwenye matataizo  ya misiba huku ikielezwa kuwa ameshawahi kumtelekeza mke wake mpaka mauti yanamkuta hakuweza kushiriki kwenye mazishi hayo.


Aidha PHILIMONI NYIMBO ambaye ni kaka wa FRANSI NYIMBO ameeleza kuwa mdogo wake amekuwa na tabia ya kutoshiriki kwenye shughuli za kijamii na kutelekeza watoto hali ambayo inamfanya ashindwe kuelewa mdogo wake ameipata wapi hiyo tabia kwa kuwa ukoo wao wamekuwa hawana tabia kama hiyo.

Naye BRYSON NGONDE Ambye ni shemjeni wa FRANSI NYIMBO ameeleza kuwa tatizo la shemeji yake limeanza tangu mwaka jana mwenzi wa kumi na mbili baada ya dadake kuaza kuumwa ambapo alitelekezwa mpka mauti inamkuta hali ambayo imejirudia kwa sasa kutokana na leo kukamatwa na kulazimishwa kushiriki mazishi ya mwanae ambaye  enzi za uhai wake alimtelekeza kwa kutomhuumia kipindi anaumwa.

Hata hivyo kwa upande wake FRANSI NYIMBO amekana madai ya kumtelekeza mke wake pamoja na mwanae na kueleza kuwa chanzo cha hayo ambayo yametokea yamesababishwa na ndugu wa upande wa marehem mke Wake kwa kuwa wao ndio waliomchukua nyumbani kwake bila yaye kupewa taarifa,


Mtandao wa Kenya Ulivyoripoti kuhusu Mtaa wa Tanzania Kuitwa "Wanyama"

Jumamosi Juni 24, 2017, Tanzania iliamua kuita barabara moja nchini humo jina V. Wanyama Street.
Hata hivyo, habari za barabara hiyo kubadilishwa kutoka Shekilango Road hadi Victor Wanyama Road zimepokelewa kwa hasira na Watanzania wengi.
Baadhi yao wanapendekeza wanasoka maarufu kutoka Tanzania kama Mbwana Samatta anayechezea Genk nchini Ubelgiji wapewe heshima hiyo.
Wengine wamesema ni aibu kubwa barabara hiyo kuitwa mtu ambaye si Mtanzania, huku wengine wakidai Tanzania imerogwa kwa kumuenzi Mkenya huyo anayelipwa na Spurs mshahara wa Sh9.2 milioni kila wiki.
Baada ya kupokea habari hizo, shabiki Rashid Kassa alisema, “Shekilango ya bongo au? Kwa lipi haswa? Jellah Mtagwa, Gibson Sembuli, Kitwana Manara, Leodgar Chillah Tenga, Abdallah 'king’ Kibaden, Said Nassor Mwamba Kizota, Hussein Amani Masha na wengine wengi ni wachezaji wa kibongo… sidhani kama wana mitaa ya majina yao kuwaenzi.”
Naye Nicodemus Girbert alisema, “Hivi wa Tanzania tumerogwa? Huyu mtu ana historia gani Tanzania? Acheni kujipendekeza banaa, na ni nani mwenye mamlaka ya kupanga majina…?”
“Huo ni upuuzi ametufanyia nini hadi apewe mtaa. Kwanini tusiwape wachezaji wetu. Acheni ulimbukeni,” alichemka David Ramadhani Chavaligino.
Joseph Gimonge alisema, “Huu ni ujinga wa juu. Kuna wachezaji wetu wamelifanyia taifa hili mambo makubwa hawana hata jina kwenye kitongoji achia mbali mtaa leo wanampa huyu Mkenya mtaa….”
Naye Juma Kidunda alidai ni muda tu kabla ya Victor Wanyama Road kubadilishwa. “Baada ya sikukuu ya Eid al-Fitr, hilo jina litatenguliwa, subirini mtaona.”
Mashabiki P Xtra Jalous na Simon Japhet waliona manufaa makubwa katika ziara ya Wanyama. “Wabongo mnapenda kulalamika sana. Ni dalili ya umasikini...kila kitu mnakitazama kwa mtazamo hasi. Jipe hata nafasi kidogo ya kutafakari,” alishauri P Xtra Jalous.
Naye Simon Japhet aliongeza, “Mimi naona ni sawa tu. Ujio wa Victor Wanyama ukiufuatilia kindani una manufaa hasa katika kuhamasisha mchezo wa soka nchini Tanzania kwani wachezaji wengi hasa wanaochipukia watapata chachu ya kutaka kufanikiwa… ameeleza sana mambo ya msingi na ametia moyo sana wachezaji wetu na amekuwa mzalendo kama Mwafrika mashariki mwenzetu. Sisi kama Watanzania tusipende kubeza vitu ambavyo vinaweza kusaidia hapo mbeleni.
Hatua ya mtaa kupewa jina lake ni kama tumempa deni ambalo huwezi kujua kama ataweza kulipa. Hatujui iwapo anaweza kuwa balozi mzuri wa nchi yetu hata akashawishi baadhi ya wachezaji wenzake kuja kuitembelea Tanzania.”
Nahodha wa Kenya, Wanyama alitunukiwa heshima hiyo baada ya kuhudhuria mashindano ya Ndondo Cup mtaani Ubongo jijini Dar es Salaam.
Barabara hiyo inayoelekea katika uwanja wa Kinesi Ground, ilizinduliwa rasmi na Meya wa Manispaa ya Ubungo, Boniface Jacob kabla ya mechi kati ya timu za Faru Jeuri na Kauzu mnamo Jumamosi.
Kiungo huyu aliyesaidia Spurs kumaliza Ligi Kuu ya Uingereza katika nafasi ya pili nyuma ya Chelsea, alikuwa Tanzania kwa likizo ya wiki nzima.
Heshima ya Wanyama kuitwa barabara hiyo iliwasili saa chache baada ya kushinda taji la mwanaspoti mwenye ushawishi mkubwa katika tuzo za mitandao ya kijamii nchini Kenya (SOMA).
Alibwaga bingwa wa marathon katika michezo ya Olimpiki, Eliud Kipchoge, mshikilizi wa rekodi ya dunia ya mbio za mita 800 David Rudisha, seta shupavu Jane Wacu na nyota wa raga Biko Adema.
Wanyama anatarajiwa kuwa katika safari ya Spurs nchini Marekani mwezi ujao ambapo watacheza dhidi ya PSG, AS Roma na Manchester City katika mashindano ya International Champions Cup.  

Chanzo:swahilihub


Mwingine tena aliyetupwa Rumande Kwa agizo la Mkuu wa Wilaya ya Ubungo

Na Ofisi ya Mkuu wa Wilaya
Mkuu wa Wilaya ya Ubungo Jijini Dar es salaam Mhe Kisare Makori ameamuru kuwekwa kizuizini kwa masaa 48 Mweka hazina wa Kikundi Cha ulinzi shirikishi Mtaa wa Msewe Kata ya Ubungo Ndg Raymond Mlimba kwa kushindwa kuonyesha vielelezo vya matumizi ya fedha alizopewa kupeleka Benki.

Agizo Hilo limetolewa wakati wa Mkutano wa Mkuu wa Wilaya na wananchi wa Mtaa huo Mara baada ya kumtaka Mweka hazina huyo kutoa majibu kuhusu matumizi ya fedha zilizotakiwa kuwekwa Bank kwa ajili ya malipo ya vijana wanaounda umoja wa kikundi Cha ulinzi shirikishi.

Kutokea kwa kadhia hiyo kulijili Mara baada ya Kila mwananchi aliyesimama kuzungumza kulalamikia matukio ya uhalifu hususani wizi ambayo yameanza kutokea mara kwa mara katika mtaa huo mara baada ya vijana waliokuwa wakishiriki kwenye ulinzi shirikishi kutolipwa fedha zao kwa mujibu wa makubaliano.

Mweka Hazina huyo alishindwa kuonyesha vielelezo vya uwekaji na utoaji wa fedha Bank ambapo aliwaeleza wananchi mbele ya Mkuu wa Wilaya ya Ubungo kuwa amehifadhi jumla ya shilingi milioni 1.2 ilihali Fedha zilizotajwa na Ofisa Mtendaji wa Mtaa zilizopo Bank ni Shilingi laki sita pekee.

Mhe Makori pia amemuagiza Mwenyekiti wa Mtaa wa Msewe kuitisha mkutano wa Mtaa ili kufanya makubaliano ya kuunda kamati ya Ulinzi shirikishi kwani hiyo ni njia rahisi ya kukomesha matukio ya ukabaji na uporaji ambayo yameshamiri kutokana na umbali wa vituo vya Polisi.

Mhe Makori amepokea maombi mengine ya wananchi hususani Ujenzi wa Kituo Cha Polisi, Kero ya maji machafu, Ombi la Zahanati ya Msewe kupandishwa hadhi na kuwa Kituo Cha afya, Sambamba na Ombi la kuboreshwa madarasa ya shule ya Msingi Msewe na mazingira yake ambapo ameahidi kuyatolea majibu hivi karibuni.

Alisema kuwa serikali ya awamu ya tano inayoongozwa na Rais Mhe Dkt John Pombe Magufuli inadhughulika na kuwatetea wanyonge kwa kusikiliza kero zao na kuzitatua sambamba na kusukuma gurudumu la maendeleo kwa watanzania wote pasina kujali itikadi ya vyama vyao ama dini zao.

Ziara ya Mkuu wa Wilaya Mhe Kisare Makori ni muendelezo wa kuzuru katika Mitaa ya Wilaya ya Ubungo ili kuwafikia wananchi mahali walipo na kuzitambua changamoto zinazowakabili ili kuzipatia ufumbuzi.

IMETOLEWA NA;
OFISI YA MKUU WA WILAYA YA UBUNGO
Mkuu wa Wilaya ya Ubungo Jijini Dar es salaam Mhe Kisare Makori akizungumza na wananchi wa Mtaa wa Msewe Kata ya Ubungo kwenye Mkutano wa hadhara uliofanyika viwanja vya shule ya Msingi Msewe.Ofisa Mtendaji wa Kata ya Ubungo Ndg Isihaka Waziri akizungumza wakati wa mkutano wa Mkuu wa Wilaya ya Ubungo Mhe Kisare Makori uliofanyika viwanja vya shule ya Msingi Msewe.Mkuu wa Wilaya ya Ubungo Jijini Dar es salaam Mhe Kisare Makori akizungumza na wananchi wa Mtaa wa Msewe Kata ya Ubungo kwenye Mkutano wa hadhara uliofanyika viwanja vya shule ya Msingi Msewe.Mwenyekiti wa Mtaa wa Msewe, Kata ya Ubungo Ndg Idan Fransis Msuya akizungumza wakati wa mkutano wa Mkuu wa Wilaya ya Ubungo Mhe Kisare Makori uliofanyika viwanja vya shule ya Msingi Msewe.Baadhi ya wananchi wa Mtaa wa Msewe, Kata ya Ubungo wakimsikiliza kwa makini Mkuu wa Wilaya ya Ubungo Mhe Kisare Makori wakati akihutubia Mkutano uliofanyika viwanja vya shule ya Msingi Msewe.Mkuu wa Wilaya ya Ubungo Mhe Kisare Makori (Katikati), Ofisa Tarafa ya Kibamba Ndg Beatrice Mbawala (Kushoto) na Mwenyekiti wa Mtaa wa Msewe (Kulia) Ndg Idan Fransis Msuya Wakati wa mkutano wa hadhara uliofanyika katika viwanja vya shule ya Msingi MseweOfisa Tarafa ya Kibamba Ndg Beatrice Mbawala akisisitiza Jambo kabla ya kumkaribisha Mkuu wa Wilaya ya Ubungo Mhe Kisare Makori kuhutubia Mkutano uliofanyika viwanja vya shule ya Msingi Msewe.Bi Manase Msajigwa Konongwa Mkazi wa Mtaa wa Golani akieleza kadhia ya wizi iliyowahi kumkumba hivi karibuni mbele ya Mkuu wa Wilaya ya Ubungo Mhe Kisare Makori wakati wa mkutano wa hadhara uliofanyika katika viwanja vya shule ya Msingi Msewe, Kata ya UbungoBi Mariam Makubi Mkazi wa Mtaa wa Msewe akieleza kero yake mbele ya Mkuu wa Wilaya ya Ubungo Mhe Kisare Makori wakati wa mkutano wa hadhara uliofanyika katika viwanja vya shule ya Msingi Msewe Kata ya Ubungo.Baadhi ya wakazi wa Mtaa wa Msewe Kata ya Ubungo wakimlaki Mkuu wa Wilaya ya Ubungo Jijini Dar es salaam Mhe Kisare Makori mara baada ya Mkutano wa hadhara uliofanyika viwanja vya shule ya Msingi Msewe kumalizika.Baadhi ya wakazi wa Mtaa wa Msewe Kata ya Ubungo wakimlaki Mkuu wa Wilaya ya Ubungo Jijini Dar es salaam Mhe Kisare Makori mara baada ya Mkutano wa hadhara uliofanyika viwanja vya shule ya Msingi Msewe kumalizika.


Meya Tanga akubali Yaishe

Hatimaye halmashauri ya jiji imemaliza mvutano uliodumu kwa muda mrefu kati yake na wamiliki wa mabasi yanayofanya safari kwenda wilaya za Mkinga na Pangani kwa kuruhusu yapitie katika vituo ilivyokuwa imevizuia.

Meya wa Jiji la Tanga, Mhina Mustapha (Selebosi) amesema kuwa mvutano huo umekwisa baada ya halmashauri kuketi na wamiliki hao na kuwapa sharti la kupitia katika kituo kikuu kipya cha mabasi cha Kange.

Mustapha amesema halmashauri hiyo ilikuwa imezuia mabasi yaendayo wilaya za Mkinga na Pangani kuegeshwa na kukaa kwa muda mrefu katika vituo vya Mwembe Mawazo, Chumbageni na Mwembeni Mabawa kwa sababu si rasmi.

“Baada ya kuhamia Kituo Kikuu cha Kange, wenye mabasi walituletea usumbufu wa kuendelea kutumia kituo cha zamani cha Ngamiani huku mabasi ya Mkinga yakitumia Mwembemawazo na Pangani Mwembeni Mabawa jambo ambalo lilisababisha kero kwa wenye nyumba,” amesema.

Amesema baada ya Mkuu wa Mkoa kuingilia kati sasa halmashauri imeruhusu mabasi yaendayo Wilaya za Mkinga na Pangani kutumia vituo hivyo lakini kwa sharti la kuhakikisha kila basi linapitia Kituo Kikuu cha Kange ili kulipa ushuru.

“Tumeruhusu kwa muda mfupi mabasi hayo kutumia vituo tulivyokuwa tumepiga marufuku kwa sababu tuna mipango ya muda mrefu ya kujenga vituo vya kisasa kwa ajili ya mabasi yanayofanya safari maeneo hayo,” amesema.

Dereva wa basi aina ya Coaster linalofanya safari katika ya Tanga na Horohoro, Shaaban Ali, amesema, “tunampongeza Meya wa Jiji la Tanga kwa kukubali tutumie vituo vya Mwembe Mawazo na Mwembeni kwa sababu ilikuwa ni usumbufu mno kwa abiria.”


Habari Picha: Polisi wakamata vyombo 71 vyenye bima Feki

Polisi wa barabarani kisiwani pemba wakishirikiana na watendaji wengine kutoka Mamlaka ya Usimamizi wa Bima Tanzania ‘TIRA’ wafanya zoezi la utambuzi wa bima halali, ambapo vyombo vya usafiri 71 walivigundua havina bima halali kati ya 168 walivyovihakiki.
POLISI wa usalama barabarani wakiwa kwenye zoezi maalum la kufanya uhakiki wa bima halali kw anjia ya mtandao, mara baada ya Polisi hao kupata mafunzo ya jinsi ya utambuzi wa bima zia kughushi, hivi karibuni kisiwani Pemba, (Picha na Haji Nassor, Pemba).

MTOTO Fauzi Mohamed Subeit (16) mkaazi wa Mkoroshoni wilaya ya Chakechake, akizungumza na waandishi pamoja na Polisi wa usalama barabarani, baada ya kukamatwa akiendesha gari kinyume na sheria, wakati Polisi hao wakifanya uhakiki wa bima halali kw anjia ya mtandao, mara baada ya Polisi hao kupewa mafunzo na Mamlaka ya Usimamizi wa Bimta Tanzania TIRA, (Picha na Haji Nassor, Pemba).
GAZRI kadhaa zikiwemo za kutembelea, za abiria, mzingo na vyombo vya magurudumu mawili zikiwa uwanja wa Gombani Chakechake, ili kufanyiwa ukiki wa namba za bima zao, na watendaji wa Polisi na wale kutoka Mamlaka ya Usimamizi wa Bima Tanzania TIRA, (Picha na Haji Nassor, Pemba).

MKUU wa kikosi cha uslama barabarani mkoa wa kusini Pemba Sahwali Abdalla Ali, akishiriki katika zoezi la utambuzi wa bima halali, akiwa na watendaji wengine kutoka Mamlaka ya Usimamizi wa Bima Tanzania ‘TIRA’ ambapo vyombo vya usafiri 71 walivigundua havina bima halali katia 168 walivyovihakiki, (Picha na Haji Nassor, Pemba)
BAADHI ya abiria walikuwa wakisafiri na gari mbali mbali za abiria, wakilazimika kutembea kwa miguu wakiwa na mizigo yao, baada ya gari walizokuwa wamepanda kufanyiwa uhakiki wa bima zao na kugundulika kuwa ni za kughushi, kwenye zoezi maalumu lililofanywa na Jeshi la Polisi na Mamlaka ya usimamizi wa bima Tanzania TIRA, (Picha na Haji Nassor, Pemba).
DEREVA wa gari ya abiria ambae hakupatikana jina lake, akielezea mtazamo wake juu ya zoezi la uhakiki wa bima halali, lililofanywa na Jeshi la Polisi kwa kushirikiana na watendaji wa Mamlaka ya Usimamizi wa Bima Tanzania TIRA, hivi karibuni kisiwani Pemba, (Picha na Haji Nassor, Pemba).


RC Anna Mghwira Uso kwa uso na Waziri Mkuu Hii leo

Waziri Mkuu Kassim Majaliwa akisalimiana na Mkuu wa Mkoa wa Kilimanjaro,Anna Mghwira mara baada ya kuwasili Mkoani hapo kwa ajili ya kuhudhuria ibada ya Eid Elfitr itakayo fanyika Kitaifa mjini Moshi.(Picha na Ofisi ya Waziri Mkuu)


Hii Ndiyo Neema itakayowadondokea wakulima wa Tangawizi Ruvuma na Tanga

Mbunge wa Jimbo la Madaba Mkoani Ruvuma Joseph Mhagama na Mbunge wa Jimbo la Mlalo Mkoani Tanga Mh. Rashidi Shangazi , wazungumzia jitihada wanazozifanya za kuwakwamua wakulima wa zao la Tangawizi.


Mkuu wa wilaya ya Liwale mhe. Chiwamba akabidhi Trekta kwa mkulima


 Mkuu wa wilaya ya Liwale,mhe.Sarah Chiwamba akikaribishwa kukata utepe kwa ajili ya kumkabidhi ndugu Musa Mkoyage



 Mkuu wa wilaya ya Liwale,mhe.Sarah Chiwamba baada ya kukata utepe na kumkabidhi funguo ndugu Musa Mkoyage

ndugu Musa Mkoyage akiwa amebanda na kuliwasha trekta 
 Mkuu wa wilaya ya Liwale,mhe.Sarah Chiwamba akimpongeza ndugu Musa Mkoyage 
 Ndugu Musa Mkoyage akipongezwa na baadhi ya wafanyabiashara na wakulima walioudhulia hafla fupi hilyo
 Ndugu Musa Mkoyage akipongezwa na baadhi ya wafanyabiashara na wakulima walioudhulia hafla fupi hilyo
 Ndugu Musa Mkoyage akingoja kukabidhiwa trekta yake
Wa kwanza kutoka kushoto ni Meneja wa banki ya nmb huduma kwa mteja,Mwalimu Yesaya Mbwambo ,wa katikati  ni Ndudu Musa Mkoyage na wa mwisho Mkuu wa wilaya ya Liwale,mhe. Sarah Chiwamba. (Picha na Liwale Blog)


Banki ya NMB tawi la wilayani Liwale, mkoani Lindi  imeendelea  kuwahamasisha  wakulima kuongeza  uzalishaji zaidi  kupitia nchi ya viwanda  kwa  kumkopesha trekta 1,mkulima ndugu,Musa Mkoyage lenye thamani ya shilingi 68,500,000.

Akikabidhi trekta hilo leo juni 22,  Mkuu  wa  wilaya  wa Liwale,mhe. Sarah Chiwamba, alisema    kuwa hatua ya  kukabidhi  trekta  hilo ni  sehemu ya  utekelezaji  wa Ilani ya uchaguzi ya  Chama Cha Mapinduzi (CCM) na  kutimiza  dhana  ya  nchi ya viwanda .

Hivyo alisema  kuwa  wilaya ya Liwale ni moja kati ya wilaya ambayo  imekuwa  ikitegemea kwa    uzalishaji  wa  mazao ya  biashara ikiwemo korosho pamoja na chakula na  hivyo lazima  wakulima  kuendelea  kuhamasishwa  zaidi  ili  kujitokeza  kukopa  kwa Taasisi ya MNB ili  kuweza  kunufaika na  mkopo ili kuweza kumuunga mkono Rais juu ya kuweza kutimiza sera ya nchi ya viwanda.

Pia  Mkuu  wa wilaya  alitumia nafasi hiyo  aliwataka  wakulima walioudhulia hafla hiyo ya kumkabidhi trekta ndugu Mkoyage  ambaye amekopeshwa trekta  hilo  mbali ya  kutumia katika    kilimo cha  zao la korosho  pia  kuhakikisha  analima hata mazao ya  chakula  kwa  wingi  ili  kuendelea  kuongeza  uzalishaji wa mazao ya chakula katika wilaya ya Liwale.

Meneja wa banki ya nmb huduma kwa mteja,Mwalimu Yesaya Mbwambo  alisema  kuwa mkulima  huyo amejitokeza  kuchukua mkopo huo wa trekta jipya HP 60 ambapo banki imemkopesha asilimia 75 ya shilingi 68,500,000 kwa kuwa  alikuwa akinyanyasika  zaidi  kwa  kilimo  cha jembe la mikono hivyo kupitia trekta hilo sasa litaweza kumwongezea uzalishaji zaidi.

Meneja Mbwambo alisema mkopo huo wa trekta una riba ya asilimia 19 na muda wa kulipa mwaka hadi miaka 3 pia aliweza kulielezea sifa na vitu ambavyo zimeambatanishwa kwenye trekta hilo kuwa trekta ni jipya,lina nguvu kubwa ya HP 60,tela lake linauwezo wa kubeba tani 12 na inauwezo wa kubinua,lina four wheel Drive,majembe pamoja lina bima kubwa.

Kwa upande wake ndugu Musa Mkoyage mara baada ya kukabidhiwa trekta hilo alisema mkopo huo wa trekta utaweza kuleta tija katika kuweza kuondokana na kilimo cha jembe la mkono hivyo sasa ataweza kulima kwa wakati na kuweza kuongeza uzalishaji.

Mkoyage alitumia hafla hiyo kuwaomba wakulima walioudhulia kuweza kumunga mkono kushirikiana nae katika kuweza kuwahudumia kwenye mashamba yao pia aliwaondoa wasiwasi wakulima wezake kuondokana na dhana kuwa mikopo inakupelekea kwenye  matatizo aliwambia kuwa mkopo ni malengo na endapo mkopo utaubadilishia malengo au matumizi itapelekea kuyumba na kushindwa kurejesha mkopo na kutapata matatizo.


Akizungumza kwa niaba ya walima na wafanyabiashara walioudhulia kwenye hafla hiyo, Bwana Theophil Nnenjela aliipongeza banki ya NMB kwa kuweza kukopesha trekta hilo na sasa banki hiyo imefungua milango kwa wakulima kuweza kupata mikopo mbalimbali ili kuweza kujiinua kiuchimi na akiomba banki hiyo kutoa mikopo yenye masharti nafuu pamoja na riba ndogo.
 Ndugu Musa Mkoyage aliyekaa upande wa kushoto akiwa na Meneja wa banki ya nmb huduma kwa mteja,Mwalimu Yesaya Mbwambo
 Baadhi ya wakulima na wafanyabiashara walioudhulia kwenye hafla fupi ya kumkabizi ndugu Musa Mkoyage trekta iliyofanyika eneo la banki ya NMB wilayani Liwale.
 Baadhi ya wakulima na wafanyabiashara walioudhulia kwenye hafla fupi ya kumkabizi ndugu Musa Mkoyage trekta iliyofanyika eneo la banki ya NMB wilayani Liwale.

 Akizungumza kwa niaba ya walima na wafanyabiashara walioudhulia kwenye hafla hiyo, Bwana Theophil Nnenjela.


 
© Copyright EDDY BLOG | Habari Mwanzo Mwisho | Designed By www.peruzibongo.com