Post yetu ya Mwisho kwako

Habarini za leo wadau wa Eddy Blog, tunapenda kuwataarifu kuwa hatutaweza tena kurusha habari mbalimbali kwenye blog hii kutokana na Serikali kuzuia Utoaji wa habari kupitia mitandao (ikiwemo blog) hadi upate usajili, hivyo tuna waomba muendelee kusoma kwa kifupi Facebook page yetu ya Edwin Moshi na Eddy Blog au Instagram account yetu iitwayo Edwin Moshi ili kupata habari za ukweli na uhakika.

Na Edwin Moshi,
Mmiliki wa Eddy Blog, na Mwandishi wa Green FM, Njombe


Waziri Mkuu Azuiwa kujibu swali la waraka wa KKKT

Naibu Spika, Dk Tulia Ackson amemkingia kifua Waziri Mkuu, Kassim Majaliwa kujibu swali kuhusu Serikali kulipa siku 10 Kanisa la Kiinjili la Kilutheri Tanzania (KKKT) kufuta waraka wake wa Pasaka uliotolewa Machi 24, 2018, ambao mbali na masuala ya kiroho, ulitaja changamoto tatu za kijamii. 

Swali kuhusu KKKT iliyoandikiwa barua ya kutakiwa kufuta waraka huo na Wizara ya Mambo ya Ndani ya Nchi, limeulizwa leo Alhamisi Juni 7, 2018 katika kipindi cha Maswali ya papo hapo kwa Waziri Mkuu na mbunge wa Vunjo (NCCR-Mageuzi), James Mbatia. 

Katika swali lake, Mbatia ametaka kujua ukweli kuhusu barua hizo lakini baada ya kumaliza kuuliza swali hilo, Dk Tulia amesema haliwezi kujibiwa na kiongozi huyo wa shughuli za Serikali bungeni. 

“Kuna barua wamepewa KKKT na TEC (Baraza la Maaskofu Katoliki Tanzania ) wakitakiwa kufuta nyaraka zao za Kwaresima,” amesema Mbatia na kuitaka Serikali kueleza uamuzi huo una lengo gani. 

Mara baada ya swali hilo, naibu spika huyo amesema, “mtakumbuka mheshimiwa Kubenea (Saed-mbunge wa Ubungo-Chadema) alimuuliza waziri Mkuu swali linalohusu dini na mheshimiwa Spika alizuia suali hilo lisijibiwe.” 

Baada ya maelezo hayo, Dk Tulia alimuita mbunge mwingine kuuliza swali huku Mbatia ambaye pia ni Mwenyekiti wa NCCR-Mageuzi akiketi na kuzungumza na na wabunge wengine wa vyama vya upinzani chini kwa chini. 


Serikali yajibu kutotangaza nyongeza za mishahara

Serikali ya Jamhuri ya Muungano wa Tanzania imeweka wazi kuwa suala la kutangaza nyongeza za mishahara kwa watumishi wa umma hadharani husababisha athari kwa jamii nzima na kwa wale ambao siyo watumishi

Hayo yamesemwa na Waziri Mkuu Kassim Majaliwa wakati akiwa bungeni kwenye kipindi cha maswali kwa Waziri Mkuu wakati akijibu swali la Mbunge Suzani Lyimo aliyehoji ni kwa nini serikali ya awamu ya tano inakiuka sheria ya utumishi wa umma ya kutoa nyongeza kwa watumishi wake.
Mh. Majaliwa amesema kwamba siyo kwamba serikali haikusudii kuongeza mshahara kwa watumishi wake  lakini kutumia siku kama Mei 1 kutangaza nyongeza za mishahara husababisha athari kwa wananchi wote kwani vitu vinaweza kupanda bei na kusababisha usumbufu kwa watu wengine wasiopokea mishahara.
Pamoja na hayo, Mh Majaliwa ameeleza kuwa "Suala la mshahara ni siri ya mtu. Siyo lazima litangazwe hadharani. Ndiyo maana hata tunapolipa madeni hatutangazi lakini wanaodai wanaona kwenye mishahara yao kwamba malipo yanaingia. Lengo la serikali ni kupunguza na gharama za maisha".
Ameongeza "Serikali ina utaratibu wa kuwapa stahiki watumishi kadiri inavyotakiwa na inaratibiwa vizuri.  Tunaendelea na uboreshaji wa maeneo hayo kama nyongeza za mshahara, na upandishaji wa wa madaja. Watumishi wawe na imani na serikali. Rais alitenga zaidi ya bilioni 200 na tumeshaanza kulipa madeni. Nyongeza za mishahara zitatolewa kwani Rais alikwisha ahidi"


Chanzo cha ajali treni na basi chaanikwa

Ikiwa Imepita saa kadhaa tokea ilipotokea ajali ya basi la abiria kampuni ya Prince Hamida kugongana na treni ya mizigo Mjini Kigoma, Jeshi la Polisi limebaini chanzo cha ajali hiyo kuwa kimesababishwa na uzembe wa dereva wa basi hilo kwa kushindwa kuchukua tahadhari

Hayo yamebainishwa na Kamanda wa Jeshi la Polisi mkoani Kigoma Martin Otieno, wakati alivyokuwa akifanya mahojiano maalum ndani ya kipindi cha East Africa Drive kilichorushwa alasiri ya leo Juni 06, 2018 kutoka East Africa Radio na kusema mpaka sasa hivi watu 10 wameshafariki kutokana na ajali hiyo.
"Mpaka sasa hivi wameshafiriki jumla ya watu 10 na saba walifariki pale pale enoo la tukio lakini wengine watatu walifariki wakati wanakimbizwa kupelekwa hospitalini kwa ajili ya kupatiwa matibabu. Jumla ya majeruhi waliokuwa 27 waliokuwa wanatibiwa lakini kati ya hao wanne tayari wamesharuhusiwa kurudi majumbani mwao", amesema Kamanda Otieno
Pamoja na hayo, Kamanda Otieno ameendelea kwa kusema "hali zao kwa sasa hivi zinaendelea vizuri labda kama itakuja kubadilika kwa hapo baadae lakini chanzo cha ajali hiyo kimetokana na uzembe wa dereva wa gari wa kutochukua tahadhari wakati anapita katika eneo la reli".


Mkuu wa shule atuhumiwa kubaka mwanafunzi

Mkuu wa Shule ya Sekondari Mosa Mixed, iliyopo Wilaya ya Kisasi nchini Kenya, Bwana Samuel Kimanzi (58) amepandishwa kizimbani katika Mahakama ya Kitui kwa tuhuma za kumbaka mwanafunzi wa kidato cha nne katika shule yake

Kwa mujibu wa gazeti la Daily Nation, mtuhumiwa amepandishwa kizimbanbi leo Juni 6, 2018 na kuongeza kuwa tukio hilo la ubakaji limetokea katika shule hiyo wakati mkuu huyo wa shule alienda katika bweni la wanafunzi wa kike usiku wa Mei 21, 2018 kwa lengo la kufanya ukaguzi wa kushtukiza.
Mwanafunzi aliyebakwa alidai kwamba siku ya tukio Bwana Kimanzi, alimtoa nje ya bweni na kumpeleka katika ukuta wa shule na kisha kumbaka na kuongeza kuwa alipewa vitisho endapo angetoa taarifa za tukio hilo.
Baada ya kuripoti tukio hilo kwa wanafunzi wenzake alichukuliwa na kupelekwa katika Hospitali ya Rufaa Kitui kwa matibabu ya dharura kabla ya kwenda kuripoti katika kituo cha Polisi cha Mbitini Market akiwa na walezi wake
Kesi hiyo imetajwa kuendelea tena Septemba 3, 2018 ambapo upande wa mashtaka umepanga kuandaa mashahidi 10.
Mtuhumiwa ameachiwa kwa dhamana baada ya kukamilsha masharti ya kutoa pesa taslimu kiasi cha shilingi za Kenya 50, 000.


Bavicha Watoa Kauli kuhusu Kifo cha Maria na Consolata

Baraza la Vijana wa Chama cha Demokrasia na Maendeleo (BAVICHA), limeitaka serikali kujifunza kupitia kifo cha mapacha walioungana, Maria na Consolata ambao wamefariki Jumamosi Usiku wakati wakipatiwa matibabu katika hospitali ya Rufaa Iringa.

Kupitia taarifa ya mwenyekiti BAVICHA, Patrick Ole Sosopi amesema kuwa kama taifa inabidi kukubaliana na ukweli kuwa sekta ya afya ina changamoto nyingi ikiwepo huduma za Afya na uduni wa mazingira hivyo viongozi wanapaswa kushughulikia matatizo hayo na siyo kuwa mbele katika kushiriki misiba.

Amesema kuwa taifa limepoteza nguvu kazi ambao walikuwa na malengo pamoja na ndoto kubwa katika taifa pindi watakapokuwa wamemaliza masomo yao.

Maria na Consolata walizaliwa Novemba 19, 1997 na wamefariki Juni 2, 2018 ambapo enzi za uhai wao walikataa kutenganishwa miili yao na waliishi kwa miaka 21 wakiwa wameungana  hivyo hivyo.

Septemba mwaka jana, baada ya kufaulu mtihani wa kidato cha sita, Maria na Consolata walijiunga na Chuo Kikuu cha Kikatoliki cha Ruaha, Iringa na walianza kuugua maradhi ya moyo na Desemba mwaka jana, wakahamishiwa taasisi ya maradhi ya moyo ya Jakaya Kikwete katika Hospitali ya Taifa ya Muhimbili, Dar es Salaam ambako walilazwa kwa miezi miwili.



"UKIMWI wa kulogwa" Wamuua Msanii Sam Wa Ukweli

Msanii  wa Bongo Fleva, Sam wa Ukweli amefariki dunia usiku wa kuamkia leo katika Hospitali ya Palestina iliyopo Sinza jijini Dar es Salaam baada ya kuugua kwa muda mrefu na mwili wake umehifadhiwa katika Hospital ya Mwananyamala.

Taarifa hiyo imethibitishwa na msambazaji wa nyimbo zake ambaye pia Meneja wa ‘Team Mtaa kwa Mtaa’, Amri the Business aliyeeleza kwa masikitiko alivyopokea makubwa kuwa Sam amefariki dunia na kumtakia kupumzika kwa amani.

“Siamini kilichotokea muda huu ila sina jinsi, kwani woote safari ni moja, pumzika kwa amani Sam wa Ukweli, hakika nilikupenda kama ndugu yangu wakuzaliwa tumbo moja, #rip” amesema Amri the Business.

Aidha, aliyekuwa mtayarishaji wa nyimbo za Sam wa Ukweli, Producer Steve amesema Sam alizidiwa zaidi Jumamosi iliyopita na walipomuuliza alisema ni ‘UKIMWI wa kulogwa’.

Sam wa Ukweli aliwahi kutamba na ngoma kama Sina Raha, Hata Kwetu Wapo, Sisikii, Milele na nyingine nyingi kali kuanzia mwaka 2010.


Breaking news: Ajali mbaya yaua watu kadhaa Kigoma asubuhi hii




Ajali mbaya imetokea saa kumi na mbili asubuhi ya baada ya basi la Prince Hamida linalofanya safari zake kutoka Kigoma kwenda Nzega kugonga treni ya mizigo katika eneo la relini katika eneo Gungu, ambapo watu kadhaa wanahofiwa kupoteza maisha.

 Juhudi za kuopoa miili ya watu walionasa ndani ya basi hilo zinaendelea zikiongozwa na vikosi vya jeshi la wananchi, na jeshi la polisi pamoja na wananchi.


LIVE: Kuagwa Miili ya Maria na Consolata muda huu


Zoezi la kuaga miili ya Marehemu Maria na Consolata Mwakikuti linaendelea hivi sasa mjini Iringa kabla ya kwenda kuwazika katika kijiji cha Tosamaganga kata ya Kalenga mkoani Iringa

Zoezi la kuaga miili hiyo limezua vilio na simanzi miongoni mwa waombolezaji waliofurika kwa ajili ya safari ya mwisho ya mapacha hao


Jeneza la Maria na Consolata hili hapa

Hili ndilo sanduku litakalobeba miili ya wapendwa wetu Marehemu Maria na Consolata likiwa tayari limekamilika kwa maziko hapo kesho katika makaburi ya masista na mapadre pamoja na viongozi wa kanisa Katoliki, Tosamaganga mkoani Iringa

Maria na Consolata wanazikwa kesho baada ya ukamilisho wa ibada ya kuwaaga itakayofanyika kwenye viwanja vya Rucu kabla ya kuanza msafara wa kuelekea Tosamaganga watakakozikwa.

Maria na Consolata wanazungukwa na makaburi ya masista waliokwishafariki.Maria na Consolata walifariki dunia June 2 mwaka huu katika hospitali ya Rufaa ya mkoa wa Iringa ambapo walikuwa wakipatiwa matibabu.
Baadhi ya Mafundi wakitengeneza  sanduku litakalobeba miili ya wapendwa wetu Marehemu Maria na Consolata,kwa maziko hapo kesho katika makaburi ya masista na mapadre pamoja na viongozi wa kanisa Katoliki, Tosamaganga mkoani Iringa.

Maria na Consolata wanazikwa kesho baada ya ukamilisho wa ibada ya kuwaaga itakayofanyika kwenye viwanja vya Rucu kabla ya kuanza msafara wa kuelekea Tosamaganga watakakozikwa.

Maria na Consolata wanazungukwa na makaburi ya masista waliokwishafariki.Maria na Consolata walifariki dunia June 2 mwaka huu katika hospitali ya Rufaa ya mkoa wa Iringa ambapo walikuwa wakipatiwa matibabu.
Sanduku litakalobeba miili ya wapendwa wetu Marehemu Maria na Consolata likiwa tayari kwa maziko hapo kesho katika makaburi ya masista na mapadre pamoja na viongozi wa kanisa Katoliki, Tosamaganga mkoani Iringa
Baadhi ya Mafundi wakiendelea na maandalizi ya kutengeneza Sanduku litakalobeba miili ya wapendwa wetu Marehemu Maria na Consolata,kwa ajili ya maziko hapo kesho katika makaburi ya masista na mapadre pamoja na viongozi wa kanisa Katoliki, Tosamaganga mkoani Iringa


Kuhusu jeneza la mapacha Maria na Consolata

Pacha walioungana Maria na Consolata wanatarajiwa kuzikwa Jumatano katika makaburi ya viongozi wa dini ya Roman Katoliki, Tosamaganga Mkoani Iringa.

Pacha hao wanaandaliwa jeneza moja lenye mfumo wa watu wawili huku misalaba ikiwa miwili na kaburi moja.

Akizungumzia ratiba ya maziko ya pacha hao, leo Juni 4, Muwakilishi wa Mkuu wa Mkoa wa Iringa Richard Kasesela alisema wapo katika hatua za mwisho za maandalizi ya mazishi hayo.

Amesema ibada ya kuaga mapacha hao itafanyika katika viwanja vya Chuo Kikuu cha Kikatoliki cha  Ruaha (Rucu) kuanzia saa mbili asubuhi kabla ya safari ya Tosamaga kwa ajili ya mazishi.

"Taratibu zinaendelea na tumekubaliana kutengeneza jeneza moja lenye mfumo wa watu wawili, tutakuwa na misalaba miwil lakini watazikwa kaburi moja," amesema.

Kasesela amesema kuwa tayari ndugu wa pacha hao kwa pande zote mbili wamewasili na kwamba saa kumi jioni watakutana tena kupanga bajeti ya msiba.

Chanzo: Mwananchi


Leo kulivyo Nyumbani kwa mlezi wa Maria na Consolata

Watumishi wa halmashauri ya wilaya ya Makete Ngazi ya kata ya Tandala wamefika nyumbani kwa mlezi wa Maria na Consolata kutoa pole kwa msiba wa mapacha hao

Watumishi hao wakiongozwa na Diwani wa kata hiyo ambaye pia ni Mwenyekiti wa halmashauri Mh Egnatio Mtawa wamempa pole Mama mlezi wa watoto hao Bi Bertina Mbilinyi na kusema msiba huo umewagusa wote

Wamesema wanatambua mchango wa mama huyo mlezi aliyeishi nao kwa miaka 7 tangu walipoanza darasa la kwanza mpaka darasa la 7 na ndiye aliyewafundisha mambo mengi na bado walikuwa wanamtambua kama mama yao mpaka walipofikwa na umauti

Akitoa salamu za pole kwa niaba ya serikali Mwenyekiti wa Halmashauri Mh Egnatio Mtawa amesema serikali ngazi ya wilaya chini ya Mkuu wa wilaya Mh Veronica Kessy itashirikiana naye mwanzo mpaka mwisho wa msiba huo na kwa sasa inaandaa rambirambi kwa ajili ya kumkabidhi mama huyo mlezi

Kwa upande wake Mama mlezi wa Marehemu Maria na Consolata Bi Bertina Mbilinyi amewashukuru watumishi hao kwenda kumpa pole kwani amejisikia faraja japo msiba huo unampa machungu kwa jinsi alivyoishi na watoto hao muda mrefu

"Nilikwenda kuwatembelea wakiwa wamelazwa hospitali Dar es salaam na sikuwa na kitu cha kuwapa lakini nilipowauliza mnataka niwape nini walisema mama tunataka supu ya kuku" amesema mama huyo mlezi

Amesema kwa sasa anajiandaa kwenda Iringa kwa ajili ya maziko yanayotarajiwa kufanyika Tosamaganga jumatano ya wiki hii


Ajiua baada ya kunyimwa Unyumba na Mkewe

Mtu mmoja aliyefahamika kwa jina la Joseph (52) anadaiwa kujinyonga mpaka kufa baada ya kunyimwa tendo la ndoa (Unyumba) na mkewe.

Mwanaume huyo ambaye jina lake kamili ni Joseph Ojur mwenye umri wa miaka 52 mkazi wa ukanda wa Kabagu katika Manispaa ya Njeru nchini Kenya alijinyonga siku ya Jana Juni 3, 2018 baada ya kunyimwa tendo la ndoa (unyumba) na mkewe kwa kile kinachodaiwa kuwa Joseph Ojur inasemekana alimwambia mkewe kuwa alifanya vipimo vya UKIMWI na kukutwa nao.

Tangu amwambie mkewe hivyo amekuwa akinyimwa "unyumba".


Kauli ya Dc Makete Baada ya Msiba wa Maria na Consolata

Wapendwa Mapembelo...

Nawatakia heri na baraka kwa upendo wa Mungu.

Kwa majonzi makubwa tumewapoteza watoto wetu, Maria na Consolata ni imani yangu kuwa Mungu aliwaleta hapa Duniani kwa makusudio yake na amewachukua ktk wakati wake alioupanga yeye, basi hatuna budi kumshukuru kwa matendo yake maku na kumrudishia sifa.!!

Wote tunafahamu kuwa watoto hawa walizaliwa na kulelewa hapa Makete na wazazi wao walikuwa watumishi hapa Halmashauri ingawa kwa mapenzi ya Mungu walishatangulia mbele ya haki.

Sisi kama uongozi wa Wilaya tunatambua juhudi za mama mlezi wa kina Maria namna alivyohangaika kuwatunza na kuwalea hadi walipomaliza darasa la saba na kufaulu ktk shule ya msingi Ikonda.

Mama huyo yupo hapa Makete na tunamtambua kama MFIWA MKUU pamoja na wanamakete wote.

Wilaya itashiriki katika mazishi ya wapendwa wetu hao.

BWANA ALITOA NA BWANA AMETWAA.

Mbarikiwe wote.
Mwalemi๐Ÿ™๐Ÿฝ๐Ÿ™๐Ÿฝ๐Ÿ™๐Ÿฝ๐Ÿ˜ญ๐Ÿ˜ญ๐Ÿ˜ญ


Jeshi latoa onyo kwa wabunge wanaowadai Matrekta

Jeshi la kujenga Taifa (kitengo cha SUMA) limeleta ujumbe Bungeni na kuwataka Wabunge wote waliokopa matrekta kupitia SUMA-JKT walipe haraka madeni yao.

Katika tangazo lililosomwa na Spika Job Ndugai, SUMA-JKT wamewataka wabunge wanaodaiwa walipe kabla ya June 23.

Kutoka Bungeni.


Hapa ndipo Watakapozikwa mapacha Maria na Consolata

Akizungumza na wanahabari baadae Kaimu Mkuu wa Mkoa wa Iringa ambaye pia ni Mkuu wa Wilaya ya Iringa Richard Kasesela alisema mazishi yanatarajiwa kufanyika Jumanne au Jumatano katika makaburi ya Kanisa Katoliki, katika kijiji cha Tosamaganga nje kidogo ya manispaa ya Iringa.

“Tunamsubiri Sista Mkuu wa Maria Consolata , Sista Jane ambaye yupo safarini akitokea Dar es Salaam kuja Iringa na atakapofika le oleo tutapanga taratibu za mwisho za mazishi yao” alisema.

Kasesela alisema kabla ya mazishi yao, mapacha hao wataagwa katika viwanja vya Chuo Kikuu cha Ruaha (Rucu) walikokuwa wakisoma shahada ya ualimu.

Aliomba kama kuna ndugu wa mapacha hao popote pale nchini wajitokeze kushiriki mazishi hayo ili kuwapa faraja katika safari yao ya mwisho.

“Hatuna taarifa za ndugu wowote toka tumewafahamu mapacha hao, tunachojua wamekuwa wakilelewa kanisa Katoliki kwa msaada wa wadau mbalimbali kwa maisha yao yote,” alisema.

Wakati huo huo, Kasesela amemshukuru Rais wa Jamuhuri ya Muungano wa Tanzania Dk John Pombe Magufuli kwa rambirambi yake ya Sh Milioni 5 aliyotoa kuomboleza kifo cha mapacha hao.

Nao wanafunzi wa chuo cha RUCu waliokuwa wakisoma na pacha hao wamesema wameupokea msiba huo kwa masikitiko makubwa.

“Baada ya kupokea taarifa hizi, chuo kilikuwa kama kimemwagiwa maji. Hakuna aliyeamini taarifa hizo japokuwa ukweli ndio huo. Mungu azilaze roho zao peponi,” alisema mmoja wao aliyejitambulisha kwa jina la Rose.

Maria na Consolata walizaliwa wilayani Makete mkoani Njombe mwaka 1996.
Walisoma shule ya Msingi Ikonda Makete na kuhitimu na kufaulu mtihani wa darasa la saba mwaka 2010, kisha wakajiunga na shule ya Maria Consolata iliyopo Kilolo mkoani Iringa ambapo walihitimu kidato cha nne mwaka 2014.

Baada ya hapo walijiunga na shule ya Sekondari ya Udzungwa wilani Kilolo walipohitimu kidato cha sita mapema mwaka 2017 na wote kufaulu kwa kupata daraja la pili na hatimaye Septemba 2017 wakajiunga na Chuo Kikuu cha Katoliki cha Ruaha (Rucu) walipokuwa wakisomea fani ya ualimu mpaka mauti inawafika.


Ajali mbaya yatokea Tanga yaua watoto 6


Gari iliyobeba majani ya chai ikiwa inatoka katika kijiji cha Kimbo mkoani Tanga wilaya ya Korogwe  kata ya  Dindira imepaa ajali na kuua watoto,

Gari hiyo ilipinduka na kuua watoto sita na wengne watatu wakiwa mahututu na kupelekea kukimbizwa katika hospital ya tarafa ya Bungu.

Watoto hao walipewa rifti lakini safari yao haikupangwa kufika kule walikotegemea kwenda, ni majonzi na msiba mkubwa.

HAKIKA NJIA YETU NI MOJA ALLAH AZILAZE ROHO ZA WATOTO HAWA MAHALI PEMA PEPONI NA AWAPE FARAJA NDUGU JAMAA NA WAZAZI WA WATOTO HAWA ISHA ALLAH.

RIP


Nyoka wa ajabu aibuka kwenye Daladala Dar

DUNIA ina mambo! Joka la ajabu aina ya chatu, hivi karibuni lilizua tafrani ya aina yake ndani ya daladala na kusababisha kizaazaa huku watu kibao wakijazana eneo la tukio, Wikienda linakujuza.

Tukio hilo la kushangaza lilitokea Ijumaa kwenye daladala linalofanya safari zake kati ya Kimara na King’ongo jijini Dar.
Mashuhuda walieleza kuwa joka hilo liliibukia kwenye gari hilo aina ya Benz Saloon linalobeba abiria, hali iliyowalazimu askari wa Kituo cha Polisi cha Mbezi-Louis kufika eneo la tukio baada ya kupigiwa simu na wananchi waliokuwa na taharuki.

Waliendelea kusema kuwa daladala hilo lilikuwa maeneo ya Kimara-Moravian likiendeshwa na mafundi gereji waliokuwa wakilijaribu baada ya kulifanyia matengenezo. Mafundi hao, wakiwa wanaendesha gari hilo ndipo mmoja wao akaliona joka hilo na kumuonesha mwenzake hivyo wakalisimamisha gari hilo kisha kutoka nduki.

Wakiwa katika taharuki, wananchi walijaa eneo hilo ambapo mafundi hao waliwasiliana na mwenye gari hilo waliyemtaja kwa jina la Roshi ambaye aliwaachia daladala hiyo waitengeneze.

Baada ya kumpigia simu mwenye gari hilo aliwaambia nyoka huyo ni wa jamaa ambaye alimpakia, lakini aliposhuka huenda nyoka huyo aliyemtaja kuwa ni aina ya chatu alimsahau kwenye gari hilo.

Mafundi hao walisema kuwa, Roshi aliwaeleza hivyo na kuwaahidi kuwa angemtuma mwenye nyoka wake kumfuata huku akiwaomba mafundi hao na watu wengine wasimdhuru labda kama angewaponyoka na kuingia mitaani. Baada ya kizaazaa hicho, mafundi hao walishindwa kuliendesha tena gari hilo hivyo ilibidi livutwe kwa kutumia gari lingine kwa kumhofia chatu huyo.

Kufuatia sakata hilo, Ijumaa Wikienda lilifika eneo la tukio na kuzungumza na mmoja wa mafundi hao aliyejitambulisha kwa jina la Khalid Shaban ambaye alisema kuwa, baada ya kuliona joka hilo walipatwa na mshtuko, lakini mioyo yao ilipoa baada ya mwenye gari hilo kuwaambia kwamba chatu huyo ni wa jamaa yake na kuwatoa hofu kuwa hana madhara.

“Kwa kweli tulipatwa na mshtuko mkubwa, hali iliyosababisha tuwapigie simu polisi wa Kituo cha Mbezi-Louis ambapo walifika, lakini tulivyowaambia mwenye gari amesema anamfahamu mwenye nyoka na hana madhara, waliondoka zao.

Hadi Ijumaa Wikienda linaondoka eneo la tukio, joka hilo la ajabu bado lilikuwa halijatolewa ndani ya gari hilo wala mwenyewe alikuwa hajafika kuchukua joka lake
Stori: Richard Bukos, gpl Dar

Chanzo: Ijumaa wikienda


Ajali ya bodaboda yaua Familia

Watu watatu wa familia moja wamefariki dunia papo hapo katika ajali iliyohusisha pikipiki na basi mali ya kampuni ya Saratoga.

Kamanda wa Polisi mkoa wa Rukwa, George Kyando amesema tukio hilo limetokea leo, Mei 29 saa 6 mchana katika eneo la kituo cha mafuta cha Munio, mjini hapa.

Amewataja wanafamilia Marehemu hao ni wakazi wa kitongoji cha Katandala mjini hapa.

Kamanda Kyando amesema kuwa ajali hiyo ilihusisha basi la kampuni ya Saratoga lenye namba T 211 AED aina ya Scania lililokuwa likiendeshwa na Ally Fabiano (31) mkazi wa Kigoma.


Daktari adaiwa kujiua kwa TAULO Kigoma


Mganga Mfawidhi wa Kituo cha Afya Kakonko, mkoani Kigoma , Mejo Banikira (43) amekutwa amejinyonga chumbani kwake kwa kutumia taulo yake.

Hayo yamebainishwa leo Mei 29 na Mkuu wa Wilaya ya Kakonko, Kanali Hosea Ndagala wakati akizungumza na wanahabari.

Ndagala amesema uchunguzi unaendelea ili kubaini chanzo cha daktari huyo kujiua.
“Mwili wa Dk Banikira umeondolewa nyumbani alikojinyongea na kwenda kuhifadhiwa Hospitali ya Kibondo wakati jeshi la polisi likiendelea na uchunguzi,” amesema.

Amesema taarifa za kujinyonga zimepatikana asubuhi baada ya mke wake anayeishi kwingine, kupiga simu kwa muda mrefu bila kupokewa.

“Alipoona simu haipokewi, aliwapigia majirani ambao walikwenda na kukuta milango imefungwa, wakaripoti polisi na polisi ndiyo waliobaini mwili wake,” amesema Ndagala.

" Watu wasichukulie kujinyonga kuwa suluhisho la matatizo katika familia bali waeleze masahibu yao kwa marafiki na viongozi waweze kusaidiwa na kurejea maandiko ya misikitini au makanisani,"amesema Ndagala.

Mganga Mkuu wa Wilaya ya Kakonko, Joseph Tutuba amesema marehemu alikuwa akiishi peke yake katika nyumba za kupanga mjini Kakonko na alikuwa amewasili kituoni hapo miezi minane iliyopita akitokea wilayani Simanjiro.


Watu 13 watia mbaroni mkoani Mwanza kwa amri ya Mkuu wa Wilaya







Na George Binagi-GB Pazzo, BMG
Watu 13 wamekamatwa Jijini Mwanza kwa amri ya Mkuu wa wilaya Nyamagana Mhe.Marry Tesha baada ya kukuta wamefungua biashara zao wakati zoezi la usafi likiendelea.
Waliokamatwa kwa amri ya DC Tesha ni pamoja na wafanyabiashara ndogondogo (machinga) pamoja na Mama Lishe ambapo wamefikishwa kwa mwanasheria wa Jiji la Mwanza ili kukabiliana na sheria ambayo inaweza kuwa faini, kifungo ama vyote kwa pamoja.

Aidha Mhe.Tesha amemwagiza Kaimu Kamanda wa Polisi Nyamagana, Almachius Mchunguzi kumtia nguvuni Mtendaji wa Kata Mbugani, Benedict Kabadi pamoja na Watendaji sita wa Kata hiyo kwa kushindwa kusimamia vyema zoezi la usafi hii leo (Mei 26, 2018) jumamosi ya mwisho wa mwezi.
Kila jumamosi ya mwisho wa mwezi kuanzia saa moja hadi saa nne asubuhi ni siku maalum kwa ajili ya wananchi wote kushiriki zoezi la usafi nchi nzima ikiwa ni utekelezaji wa agizo la Makamu wa Rais Mhe.Samia Suluhu Hassan.


Polisi waongelea mabilioni mapya ya Dokta Shika

Kamanda wa polisi kanda maalum ya Dar es salaam Lazaro Mambosasa amesema swala la Dk. shika kuingiza pesa zake Tanzania hana uhakika nalo na mtu kutumiwa hela kihalali si kosa

Amesema kuwa kama taarifa hizo ni za uongo anaweza kupuuzwa ila endapo kauli yake italeta madhara basi hatua zitachukuliwa.

Mambosasa amezungumza hayo leo pindi alipokuwa anaongea na waandishi wa habari akitoa ripoti za jeshi la polisi kuwashikilia watuhumiwa mbambali kwa kufanya makosa ya unyang’anyi kwa kutumia silaha za moto.

”Mtu kutumiwa hela kama ni halali haziingii kwenye pesa ambazo zinatakatishwa au hela ambazo zinapatikana kwa njia isiyo halali si kosa lakini kama ni muongo tu anajisema basi kuna mawili anaweza kupuuzwa lakini kama kauli zake zitamwaathiri yeyote anaweza kuja kulalamika na jeshi la polisi likachukua hatua” amesema Mambosasa.

Mambosasa amezungumza hayo pindi alipokuwa anajibu swali la mmoja wa waandishi wa habari baada ya kuhoji juu ya uhalali wa pesa za Dk. Luis Shika ambaye hivi karibuni taarifa zimeeleza tayari ameingiza mabilioni yake ya fedha nchini Tanzania.

Siku chache zilizopita Dkt. Louis Shika alivieleza baadhi ya vyombo vya habari nchini juu ya ujio wa fedha zake na baadhi ya vipande vya dhahabu zilizokuwa nje ya nchi kuwa tayari zimewasili nchini kupitia Uwanja wa Ndege wa Kimataifa wa Mwalimu Julius Kambarage Nyerere (JKNIA) na kupelekwa Benki Kuu ya Tanzania (BOT) kwa ajili ya kuhakikiwa.
Taarifa hizo zilizua mjadala mkubwa mtandaoni ambapo watu walionesha kutokuamini kwa ujio huo wa pesa za Dk. Shika wakidhani ni stori zisizo na ukweli ndani yake.

Hata hivyo Shika alithibitisha ujio wa mali hizo na kuonyesha baadhi ya nyaraka zinazothibitisha umiliki wa mali hizo.


Mbunge machachari wa Chadema aliyefariki leo






Mchungaji adaiwa kumuua Mkewe kwa Kisu

Mhadhiri wa Chuo Kikuu Cha Dodoma (UDOM), Rose Mndenye ameuawa kwa kuchomwa kisu na mume wake usiku wa kuamkia leo ambapo baada ya tukio hilo mume wake amekimbilia kusikojulikana.

Mhadhiri huyo wa chuo cha biashara katika chuo kikuu cha Dodoma (UDOM) Rose Mdenye ameuawa kwa kuchomwa kisu na mumewe usiku wa kuamkia leo mei 26 huku sababu ikitajwa kuwa ni wivu wa mapenzi.

Rose Mdenye ameuawa kwa kuchomwa kisu na mumewe wa ndoa ambaye ni mchungaji wa Kanisa aitwaye John Mwaisango.

Tukio hilo limetokea kwenye nyumba yao mjini Dodoma.

Chanzo: mwananchi

Ofisa habari na uhusiano wa chuo kikuu hicho (UDOM), Beatrice Mtenga amethibitisha kutokea kwa tukio hilo na amesema kuwa taarifa zaidi zitatolewa baadae.

Mtenga amesema msiba upo Kisasa Sheli.


Breaking news: Kaburi likifukuliwa Live Mkuranga Pwani



#BREAKING_NEWS: Vilio na Simanzi vyatawala wakati wa tukio la kuufukua mwili wa marehemu Rose Magombola ambaye alikuwa muuguzi mkuu msaidizi wa Hospitali ya Mkurunga aliyeuawa na mumewe kwa kupigwa kisha mwili kuufukia pembezoni mwa nyumba yake.

Mamia ya Wananchi  eneo hilo na watumishi wa hospitali ya wilaya ya Mkuranga(Pwani) wamejumuika kushuhudia tukio hilo.

Endelea kuwa nasi,tutakujuza zaidi.


Inasikitisha: Maiti ya mtoto yaokotwa karibu na shule


Mtoto Anaekadiliwa Kuwa na Umri wa Miaka
Miwili Mwenye Jinsi ya Kiume Amekutwa Akiwa
amefariki kando ya Mto Mhangachi Katika
Uwanja wa Mpira wa Shule ya Sekondari Chief
Kidulile Wilayani Ludewa katika Mkoa wa
Njombe.
Kwa Mujibu wa maelezo ya Mashuhuda
waliojitokeza katika Tukio hilo wamesema kuwa
Mwili wa Mtoto huyo ulionekana Tangu Asubuhi
ya Leo Mei 24 mwaka huu 2018 Wakati
Wanafunzi Wa Shule ya Sekondari Chief Kidulile
wakifyeka Nyasi katika Eneo la Kuzunguka
Uwanja wa Mpira ndipo walipouona Mwili wa
Mtoto huyo Ukiwa Umeanza Kuharibika na Kutoa
Harufu kali.
Mashuhuda hao wamesema kuwa Marehemu
amekutwa akiwa hana Kichwa na Kushindwa
Kutambuliwa Kuwa Ni Mtoto wa nani na mwili
wake Umebaki kuanzia katika eneo la Shingo,
Kushuka hadi Miguuni ambapo Kichwa Chake
Kinaonesha Kuwa Kimebondwa na Kuchakazwa
Vibaya na Kusababisha Watu washindwe
Kuitambua Sura ya Marehemu.
Muda Mfupi Baadae baada ya Kupokea Taarifa
Kutoka kwa Wasamalia wema wakiwemo
Wanafunzi na Walimu wa Shule ya Sekondari
Chief Kidulile Askari wa Jeshi la Polisi Wilaya ya
Ludewa walifika Katika Eneo la Tukio na Kujionea
Hali halisi ya Tukio hilo Ambapo Kaimu Kamanda
wa Polisi Wilaya ya Ludewa ASP Malimi N
Malimi Amethibitisha Kutokea Kwa Tukio hilo na
Kusema Kuwa Chanzo cha Tukio hilo Bado
hakijafahamika Maramoja na Jeshi la Polisi
Linaendelea na Uchunguzi Sambamba na
Kuiomba jamii ya Ludewa Kutoa Ushirikiano
katika Kubaini Muhusika wa Tukio hilo.
ASP Malimi Amesema Kutokana na Marehemu
kutotambuliwa na Mwili wake Kuharibika
kwasasa Jeshi la Polisi wilaya ya Ludewa
linaendelea na Taratibu za Kisheria ikiwemo
kupata Kibali ili Mwili wa Marehemu uzikwe
kuanzia Kesho na endapo Ndugu wa Marehemu
watajitokeza Taratibu nyingine zitaendele.
Kwaupande wake Daktari Frank Mwambasanga
aliyeupokea na Kuufanyia Uchunguzi Mwili wa
Marehemu katika Hospital ya Wilaya ya Ludewa
Amesema Kuwa Marehemu alikuwa Jinsi ya
Kiume anakadiriwa kuwa na Umri wa Miaka
miwili na Kuongeza Kuwa Tukio hilo Linakisiwa
kutokea Siku tano zilizopita ambapo Sababu
huenda ikawa ni Ajali kwakuwa Mwili wa
Marehemu umekutwa ukiwa na Majeraha,
ambapo Baada ya Ajali hiyo Kutokea Huenda
Mhusika wa Tukio hilo akaamua Kuutelekeza
Mwili wa mtoto huyo.
Aidha Daktari Mwambasanga Baada ya Kuulizwa
na Mwandishi wetu Kuwa Inawezekanaje ikawa
Ajali na Kusiwepo taarifa zozote kutoka kwa
jamii za Kupotea kwa Marehemu, Daktari
Mwambasanga Alisema Kuwa Mtoto huyo pia
huenda alikuwa anatokea Nje ya Mji wa Ludewa
kwakuwa Baada ya Tukio hilo Kutokea Hakuna Mtu yeyote Ludewa aliyetangaza Au Kutoa
Taarifa Kuwa Amepotelewa na Mtoto.


Kumekucha CCM, soma taarifa hii




"Watakufa tu" - Musukuma

Mbunge wa Geita Vijijini, Joseph Musukuma amefunguka na kusema kwamba endapo serikali itaendelea kuwafukuza kazi darasa la saba na kuwaajiri 'graduates' kutoka vyuo vikuu ajali hazitaweza kuisha kwani madereva hao wanakuwa na mawazo wanapowaendesha viongozi wenye elimu ndogo kuliko wao.

Musukuma amefunguka hayo akiwa kwenye kipindi cha KIKAANGONI kinachorushwa kila Jumatano kupitia ukurasa wa Facebook EATV ambapo amesema kwamba vijana wengi wanakuwa na mawazo makubwa pindi wanapowaendesha viongozi na watumishi kwani anakuwa anawaza muda na gharama mzazi alizozitumia na bado hajapata kazi nzuri ilia isaidie famillia yake.

Akifafanua, Musukuma amesema kuwa 'graduates wengi wamekuwa wakishuhudia wazazi wakihangaika kuwatafutia pesa ili wasome wapate hata degree moja lakini mwisho wa siku wanateseka katika kupata ajira.

Aidha Msukuma ameshangaa namna ambavyo vyeti vya udereva vimekuwa vikitolewa na chuo cha usafirishaji ambapo amehoji kwa nini wanachukua pesa za wanafunzi wa darasa la saba ilhali kwenye ajira watu wenye kiwango cha elimu hiyo wanabaguliwa.

" Unamfukazaje darasa la 7 kazi? Unataka aendeshe wa chuo kikuu. Unampa graduate kazi ya kuendesha gari na mwisho wa siku anakudikia wewe unapokea simu ya madili ya mamilioni mawazo yake yanaenda mbali lazima mfe tu kwasababu anamawazo mengi kulingana na ule muda aliyoupoteza shuleni " amesema.

"Mawaziri na watumishi wengine hata hii ajali iliyotokea juzi wataanguka mno.

Watauawa kwasababu haiwezekani mtu ame-graduate kwa shida halafu unampa kazi ya kuendesha gari. Lazima mfe " Msukuma.


Abiria wa bodaboda sasa kupigwa picha

Kamanda wa Polisi Mkoa wa Mtwara Lucas Mkondya amewataka madereva bodaboda kuwapiga picha abiria wao kabla hawajaanza safari, kwa ajili ya usalama wao.

Lucas Mkonda ametoa rai hiyo kufuatia tukio la kuokotwa kwa mwili wa dereva boda boda Ally Rashidi Kitima, mkazi wa Magomeni Chipuputa mkoani Mtwara, katika eneo la Shule ya Sekondari ya Mtwara Islamic siku chache baada ya kupotea.

Kwa mujibu wa Kamanda Mkondya amesema kwamba kufanya hivyo kutawasaidia kupata taarifa za mtu ambaye alimpakia mwisho iwapo atakutwa na tukio lolote na kuweza kusaidia kufanya uchunguzi, na kwamba uchunguzi juu ya tukio la kifo cha dereva boda boda Ally Rashidi bado unaendelea.

Naye jirani wa marehemu Sele Kumbo amesema kwamba siku chache zilizopita marehemu alipata abiria na kumpeleka maeneo ya shule ya Mtwara Islamic na hakurudi tena, mpaka mwili wake ulipoonekana siku ya tarehe 18 May, 2018


Miili ya waliokufa kwa ajali yaagwa, Waziri Mwijage aongoza

Waziri wa Viwanda Biashara na Uwekezaji Charles Mwijage ameungana na mamia ya waombolezaji kuaga miili ya watumishi watatu wa Kituo cha Uwekezaji Tanzania (TIC) katika ukumbi wa Karimjee jijini hapa.

Watumishi hao meneja wa tafiti na miradi, Martin Masalu, kaimu mkurugenzi wa tafiti, Alvin Said Amir na kaimu mkurugenzi wa uhusiano walifariki dunia Mei 21, 2018 kwa ajali wakati wakitokea Dar es Salaam kuelekea Dodoma.

Akizungumza leo Alhamisi Mei 24, 2018 Mwijage amesema Taifa limepoteza nguvukazi, “kubwa walilolifanya vijana hawa ni kuhakikisha Watanzania wanawekeza ili wasiwe watazamaji na kwa kweli vijana hawa wamejituma na  ni wachapakazi.”

Huku akiwaomba watumishi wa kituo hicho kuchapa kazi licha ya kuwapoteza wenzao amesema, “msije mkasema hao wameondoka pengo lao haliwezi kuzibika, fanyeni kazi kama wao huu mzigo ni wenu sasa.”

Mwijage ametoa pole kwa wawekezaji nchini kwa kupoteza watu ambao wamawazoea.

Watu wa kada mbalimbali walishiriki kuaga miili ya watumishi hao.


Madereva wa magari ya serikali waonywa

Kamanda wa Polisi Mkoa wa Pwani , ACP-Jonathan Shanna, amewataka baadhi ya madereva wanaoendesha vyombo vya moto, hasa magari ya Serikali na Viongozi mbalimbali kuacha dhana kua wao wanapaswa kuendesha kwa mwendokasi barabarani .

Kamanda Shanna ametoa hadhari hiyo baada ya kutokea ajali na kusababisha vifo vya watu 3 . Ajali hiyo iliyotokea majira ya saa 9 mchana katika kijiji cha Msolwa, wilaya ya kipolisi Chalinze, ilihusisha  gari la Serikali, chini ya wizara ya Viwanda,Biashara na Uwekezaji, yenye namba za usajili STK 923 aina ya TOYOTA-LAND CRUISER , iliyokua ikiendeshwa na Bw. Peter mwenye umri wa miaka 23, mkaazi wa Mkoa wa Dar Es Salaam .

Chanzo cha ajali hiyo, kinaelezwa kua ni uzembe wa Dereva aliyekua anaendesha  gari ya Serikali, alipohama upande wake wakati akiyapita magari mengine kwa mwendokasi bila kuchukua tahadhari na kuligonga gari lenye namba za usajili T 920 AQV aina ya SCANIA ,  ambayo dereva wake alitoroka mara tu baada ya ajali .


Anayedaiwa kulawiti watoto watatu huyu hapa

Mwanaume mmoja anayejulikana kwa jina la Mohamedi Kaisi Hamisi mwenye miaka 47 mkazi wa kijiji cha Kawawa mkoani Mtwara, anashikiliwa na jeshi la polisi mkoani humo kwa tuhuma za ulawiti.

Kamanda wa Polisi mkoani Mtwara Lucas Mkondya amethibitisha kutokea kwa tukio hilo, na kusema kwamba mwanaume huyo anatuhumiwa kulawiti watoto watatu wenye miaka 13, 14 na 15, wa shule ya msingi Kawawa, walipokuwa wanatafuta Nazi kwenye minazi iliyopo vichakani baada ya kutoka shule.

Vitendo vya ukatili dhidi ya watoto vinazidi kushamiri nchini, ambapo hutishiwa na kufanyiwa ukatili huo.

Akizungumzia tukio hilo, kamanda wa polisi mkoa wa Mtwara, Lucas Mkondya, amesema watoto waliolawitiwa ni wenye umri chini ya miaka 15 ambapo mtuhumiwa huyo alienda nao porini na kuwatisha kwa panga kabla ya kuwafanyia tukio hilo.


Mchungaji afariki baada ya kumuombea Mgonjwa

Wananchi wa Jamhuri ya Kidemakrasia ya Congo wameendelea Kupukutika Wakifa Kwa Gonjwa Hatari la EBOLA.

Wananchi wa Congo Wanadaiwa Kukataa Matibabu ya Ugonjwa Huo Kwa Kudai Kuwa Wamelogwa Kwahiyo Wanatakiwa Kuombewa Badala Ya Kwenda Hospitali.

Wiki Iliyopita Mchungaj Mmoja Ameambukizwa ugonjwa huo Na Kufarik Dunia kwa EBOLA Baada Ya Kumuombea Mgonjwa Wa EBOLA.


Msukuma: Lipumba anaifanyia CCM kazi nzuri

"Mwanasiana wa upinzani anayenivutia ni Profesa Lipumba anajua hesabu za kuvuruga vyama nampenda sana, Lipumba yeye na Sakaya ni mabingwa wa kutibua siasa anajua kupiga hesabu za kuchekecha vyama, anaifanyia kazi nzuri CCM, hata kufarakana kwa CHADEMA na CUF ni mzimu wa Lipumba". - Joseph Musukuma



 
© Copyright EDDY BLOG | Edwinmoshi Official Blog | Designed By www.peruzibongo.com